“HammAli & Navai” və Jah Khalib birgə mahnılarını təqdim etdilər - VİDEO

Rusiyanın “HammAli & Navai” rep dueti və Azərbaycan əsilli Jah Khalib birgə mahnılarını təqdim ediblər.

Yeni trek “Boje, kak zaviduyu” adlanır və “Atlantic Records Russia” musiqi leyblında buraxılıb.

Qeyd edək ki, rep qrupunun ifaçıları HammAli (Aleksandr Əliyev), Navai (Nəvai Bəkirov), həmçinin reper Jah Khalib (Bəxtiyar Məmmədov) əslən azərbaycanlıdırlar.

“HammAli & Navai” rep dueti 2016-cı ilin iyun ayında yaranıb. Rusiyada tanınan və sevilən qrup 2020-ci ildə “Novoe Radio Awards”da “Ən yaxşı qrup” mükafatına layiq görülüb.