Vüsalə Əlizadənin verilişinin yayımı dayandırıldı

Vüsalə Əlizadənin aparıcısı olduğu “7 canlı” proqramının yayımı dünən yarımçıq dayandırılıb.

Oxu.Az xəbər verir ki, ATV kanalında nümayiş olunan verilişdə müğənnilər Təranə Qumral, həyat yoldaşı Musa Musayev və onların qızları Sevgimcan, Qumral qonaq olublar.

Proqram başladıqdan bir neçə dəqiqə sonra, Qumralın ifasının ardınca yarımçıq kəsilib. Daha sonra “7 canlı”nın yerinə “Ağdam və mən” verilişi efirə gedib.

Proqramın hansı səbəbdən kəsilməsi ilə bağlı hələlik açıqlama verilməyib.