35 yaşınadək “elmlər doktoru” dərəcəsi alanlara pul mükafatı veriləcək

Akademiyanın Rəyasət Heyətinin qərarına əsasən, 35 yaşına kimi “elmlər doktoru” elmi dərəcəsi alan şəxslərə 5000 manat pul mükafat veriləcək.

Oxu.Az-ın APA-ya istinadən xəbərinə görə, bunu Azərbaycan Milli Elmlər Akademiyasının (AMEA) vitse-prezidenti, akademik Dilqəm Tağıyev “Müasir elm - gənclərin baxışı ilə” adlı elmi - praktiki konfransda deyib. 

Akademik bildirib ki, Azərbaycanda 140-a qədər elmi müəssisə fəaliyyət göstərir. Onlardan 40-ı Akademiyanın payına düşür.

D. Tağıyev qeyd edib ki, dünyada 7,8 milyon insan elmi-tədqiqatla məşğul olur. Onların sayı son 10 ildə 20% artıb.  

S.B.
www.oxu.az