Arif Hacılı Tofiq Yaqublunun “Müsavat”dan çıxmasından danışdı – YENİLƏNİB
Arif Hacılı Tofiq Yaqublunun “Müsavat”dan çıxmasından danışdı – YENİLƏNİB
Müsavat Partiyasının başqanı Arif Hacılı Tofiq Yaqublunu partiya başqanının müavini vəzifəsindən azad etməsinə aydınlıq gətirib.
Oxu.Az Report-a istinadən xəbər verir ki, A.Hacılı deyib ki, başqan müavini vəzifəsi konkret icra funksiyalarının həyata keçirilməsini nəzərdə tutur.
O bildirib ki, Tofiq Yaqublu başqan müavini kimi bu funksiyaların həyata keçirilməsinə kifayət qədər diqqət və zaman ayıra bilmədiyi üçün vəzifəsindən azad edilib:
“Tofiq Yaqublu Müsavat Partiyası Divanının üzvüdür və bundan sonra da partiyada fəaliyyətini davam etdirəcək”.
Qeyd edək ki, T.Yaqublu Milli Şuranın da üzvüdür.
19:57
Müsavat Partiyası başqanının müavini Tofiq Yaqublu vəzifəsindən azad olunub.
Oxu.Az Report-a istinadən xəbər verir ki, bununla bağlı partiya başqanı Arif Hacılı sərəncam imzalayıb.
Buna səbəb T.Yaqublunun paralel olaraq Milli Şuranın üzvü olması göstərilib. Xatırladaq ki, Müsavat Partiyası həmin təşkilatdan 2013-cü ildə çıxıb.
T.Yaqublu məlumatı təsdiqləyib. Lakin o, vəzifəsindən azad olunmasının səbəbləri barədə danışmaq istəmədiyini bildirib.
A.M.
www.oxu.az