Hacıqabul sakini göldə batıb - YENİLƏNİB
Hacıqabul sakini göldə batıb - YENİLƏNİB
Hacıqabul rayonunun Birinci Udullu kəndi ərazisindəki süni suvarma gölündə batmış oğlanın cəsədi tapılıb.
Oxu.Az-ın məlumatına görə, Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıcları göldə çimərkən batmış 18 yaşlı kənd sakini Asiman Habil oğlu Həsənovun cəsədini sudan çıxararaq aidiyyatı üzrə təhvil veriblər.
18:29
Hacıqabul rayon sakini göldə batıb.
Oxu.Az-ın Fövqəladə Hallar Nazirliyinin saytına istinadən verdiyi məlumata görə, Böhran Vəziyyətlərində İdarəetmə Mərkəzinə daxil olmuş məlumata əsasən, Hacıqabul rayonunun Birinci Udullu kəndi ərazisində süni göldə 1 nəfərin batdığı ehtimal olunur.
Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb edilib.
Əlavə məlumat veriləcək.