27 
Noy
2018
17:39
27
221
7919
Virtual karabakh

Azərbaycanda müalicə turizmi neçəyə başa gəlir?

27 Noy, 2018
17:39
7919

Azərbaycanda müalicə turizmi neçəyə başa gəlir?

Bizim WhatsApp kanalımıza buradan abunə ola bilərsiniz

Hazırda Azərbaycanda müalicə turizmi çox populyardır. O, Naftalan və Qalaaltıda inkişaf edib. 

Oxu.Az xəbər verir ki, bununla bağlı Media.Az-a müsahibəsində peşəkar bələdçi, 14 ildir turizm sahəsi ilə məşğul olan Anar Hacıyev məlumat verib. 

Azərbaycanda müalicə turizminin maliyyə tərəfindən danışan A.Hacıyev bildirib ki, Naftalanda bir günlük iki nəfər üçün istirahət və müalicə 170 manata başa gəlir. 

“Qalaaltıda da istirahət və müalicə təxminən bu qiymətə başa gəlir. Ölkəmizin sakinləri üçün bu bahadır, amma eyni zamanda, Qalaaltı Azərbaycan vətəndaşları ilə doludur. Son 2-3 ildə buraya gələn rusiyalı turistlərin sayı da çoxdur. Rusiyalılar indi məlum səbəblərdən Ukraynanın Truskavets bölgəsinə gedə bilmir, Qalaaltının suyu isə Truskavetsin suyundan geri qalmır”, - A.Hacıyev bildirib. 

Onun sözlərinə görə, müalicə turizminin inkişaf etdiyi növbəti istiqamətlərdən biri də Naxçıvan olacaq. 

“Burada duz mağaralarında astma və lor xəstəliklərinin müalicəsi üçün gözəl şərait var. Bundan başqa, Naxçıvanın zəngin tarixi var, burada Nuh peyğəmbərin məqbərəsi yerləşir. Hələlik bu istiqamətdə turist axını azdır”. 

www.oxu.az

Bizimlə əlaqə saxlayın

Digər Cəmiyyət xəbərləri