14 
Dek
2018
17:51
74
404
21149
Virtual karabakh

Arvadına sataşdığı üçün əmisi oğlunu döyən şəxs saxlanılıb - RƏSMİ

14 Dek, 2018
17:51
21149

Arvadına sataşdığı üçün əmisi oğlunu döyən şəxs saxlanılıb - RƏSMİ

Bizim WhatsApp kanalımıza buradan abunə ola bilərsiniz

Ötən gün Şəmkir rayonunda əmisinin gəlininə sataşdığı iddia olunan Elşad Həsənovu döyən həmkəndlisi Əli Həsənov saxlanılıb.

Bu barədə Oxu.Az-a Daxili İşlər Nazirliyinin mətbuat xidmətinin rəis müavini, polis polkovniki Orxan Mansurzadə məlumat verib.

O bildirib ki, Elşad Həsənovu döyərək işgəncə verməkdə şübhəli bilinən həmkəndilisi Əli Həsənov saxlanılıb:

“Şəmkir rayonu Seyfəli kənd sakini Elşad Həsənovun həmkəndlisi Əli Həsənov və qardaşları tərəfindən döyülməsi  və işgəncəyə məruz qalması barədə Şəmkir RPŞ-nə onun qardaşı Rəşad Həsənov tərəfindən müraciət daxil olub. Müraciətlə əlaqədar polis əməkdaşları tərəfindən müvafiq araşdırma aparılıb. Faktla bağlı CM-nin 133.2.3 (bir qrup şəxs, qabaqcadan əlbir olan bir qrup şəxs, mütəşəkkil dəstə və ya cinayətkar birlik tərəfindən törədilən işgəncə) maddəsi ilə cinayət işi başlanılıb.

Şəmkir RPŞ-nin əməkdaşları tərəfindən keçirilmiş təxirəsalınmaz əməliyyat-axtarış tədbirləri nəticəsində hadisəni törətməkdə şübhəli bilinən Əli Həsənov saxlanılıb. Hadisənin digər iştirakçılarının müəyyən olunaraq məsuliyyətə cəlb olunması istiqamətində zəruri istintaq-əməliyyat tədbirləri davam etdirilir”.

Qeyd edək ki, E.Həsənov əmisi oğlu Həsənov Əli Fərhad oğlunun həyat yoldaşı Ocaqverdiyeva Nurlana Zabit qızı ilə münasibətdə olub.

Hadisədən xəbər tutan Ə.Həsənov qardaşları Asiman Həsənov və Ruslan Həsənovla birlikdə dekabrın 12-də rayonun Çaylı kəndindən Yeni Həyat kəndi istiqamətində olan avtomobil yolunda E.Həsənovun idarə etdiyi avtomobili saxlatdıraraq onu avtomobildən düşürüblər.

Daha sonra qardaşlar E.Həsənovu döyərək əynindəki paltarları soyundurub, onu videoya çəkiblər və Seyfəli kəndində küçədə düşürüblər.

Könül Cəfərli

www.oxu.az

Oxu.Az yeniləndi!

ANDROID əməliyyat sistemli smartfonlar

iOS əməliyyat sistemli smartfonlar

Bizimlə əlaqə saxlayın

Digər Cəmiyyət xəbərləri