Göyçayda ağır qəza: ölən və yaralılar var - FOTO
Göyçayda ağır qəza: ölən və yaralılar var - FOTO
Bakı-Şamaxı-Yevlax avtomagistralında ölümlə nəticələnən ağır yol-nəqliyyat hadisəsi baş verib.
Oxu.Az xəbər verir ki, qəza səhər saatlarında Bakı-Şamaxı-Yevlax yolunun 188 km-də, Göyçayın Şahsoltanlı kəndi yaxınlığında qeydə alınıb.
Qəza zamanı minik və yük maşınları toqquşub. Nəticədə, Göyçay rayon Xəlitli kənd sakini Məmmədov Rəşad Faiq oğlu, 1973-cü il təvəllüdlü Mehman Cavadov, Göyçay rayon sakini, 1992-ci il təvəllüdlü Məmmədov Qinyaz Vaqif oğlu, Ağsu rayon sakini, 1966-cı il təvəllüdlü Vəliyev Ziyad Əmrah oğlu və Ağsu sakini, 1970-ci il təvəllüdlü Qaçayev Bünyad Əli oğlu müxtəlif dərəcəli xəsarətlər alıblar. Yaralılar İsmayıllı rayon mərkəzi xəstəxanasına yerləşdirilib.
Vəziyyəti daha ağır olan Mehman Cavadovun həyatını xilas etmək mümkün olmayıb.
Faktla bağlı araşdırma aparılır.