AzTV-də “təmizləmələr” başladı

“Azərbaycan Televiziya və Radio Verilişləri” QSC qurumda aparılan ixtisarlara münasibət bildirib.

AzTV-nin mətbuat xidmətinin rəhbəri Xatirə Qasımova Oxu.Az-a açıqlamasında bildirib ki, hazırda televiziyada kadr islahatları aparılır:

“Bu məsələ elədir ki, daimi prosesdir. Həmişə televiziyada kadr islahatları aparılıb və bu proses davam edəcək. Burada təəccüblü heç nə yoxdur. Maliyyə şöbəsinin müdiri Malik Nağıyev, baş mühasib Məmmədəli Ağayev və Maliyyə İdarəsinin rəisi Şahrza Əliyev tutduqları vəzifədən azad olunublar”.

Xatirə Qasımova qeyd edib ki, QSC-nin keçmiş aparat rəhbəri Dəyanət Cəfərovun yerinə Cabbar Quliyev təyinat alıb.

İlhamə Əbülfət