“Rossiya 24” “Azərbaycan” pavilyonu barədə reportaj hazırladı - VİDEO

Rusiyanın “Rossiya 24” xəbər kanalı Xalq Təsərrüfatı Nailiyyətləri Sərgisinin (XTNS) əsas incilərindən olan “Azərbaycan” pavilyonunun kompleks restavrasiyası haqqında reportaj hazırlayıb.

Reportajda bildirilir ki, binanın cah-cəlallı mozaikadan ibarət  fasadı üzərində işlər, demək olar ki, yekunlaşıb. 

Hazırda mütəxəssislər interyerin ilkin rəngini bərpa etməklə məşğuldurlar.

İnteryerin rəngli qamması xarici tərtibatla həmahəngdir. Hər yerdə şərq memarlıq ənənələrinə uyğun olaraq bürünc və əlvan rənglərə rast gəlmək olur.

Pavilyonun restavrasiyası üzrə bütün xərcləri Azərbaycan öz üzərinə götürüb.

2019-cu ilin sonuna kimi pavilyonda ilk sərginin keçirilməsi planlaşdırılır.