Lənkəranda qoyun oğruları peyda olub - FOTO

Lənkəranın Kənarmeşə kənd sakinlərinin yuxusu oğruların əlindən ərşə çəkilib. 

Oxu.Az-ın məlumatına görə, gecə saatlarında kənd sakini Bəylər İsmayılova məxsus tövlədən 2 baş qoyun oğurlanıb. Son bir ay ərzində ayrı-ayrı vaxtlarda üçüncü oğurluq hadisəsi nəticəsində zərərçəkənin tövləsindən ümumilikdə 4 qoyun oğurlanıb.

Kənddə qoyun oğurluğunun sayının artması sakinləri çox narahat edir. 

Kənd sakinləri oğruların onlara xəsarət yetirə biləcəyindən ehtiyat edərək, gecə həyətə düşməyə çəkinirlər.

Faktla bağlı Lənkəran Rayon Polis Şöbəsi araşdırmalara başlayıb.