Kompensasiyanı ilk alanlar - VİDEO

Bu gündən etibarən kredit təşkilatları və poçt rabitəsi milli operatoru vətəndaşlara kompensasiya ödənişlərinin verilməsinə başlayıb.

Səhər saatlarından başlayaraq problemli krediti olan vətəndaşlar ödəniləcək kompensasiyanı almaq üçün banklara üz tutublar. Problemli krediti olan şəxslər Prezident İlham Əliyevə təşəkkürlərini bildiriblər.

Bank rəsmisi Orxan Kazımovun sözlərinə görə, bir neçə saat ərzində 2400 nəfərə kompensasiya ödənilib.

Qeyd edək ki, Prezident İlham Əliyev fevralın 28-i “Azərbaycan Respiblikasında fiziki şəxslərin problemli kreditlərin həlli ilə bağlı əlavə tədbirlər haqqında” fərman imzalayıb.

Kompensasiya alacaq şəxslərin sayı 602347 nəfər təşkil edir.

İlhamə Kələyeva, Valeh Arifoğlu