Bakı-Qazax yolunda iki ayrı qəzada üç mikroavtobus toqquşub.

 

Oxu.Az xəbər verir ki, əvvəlcə yolun “Stansiya Goran” ərazisindən keçən hissəsində mikroavtobusla “VAZ-2106” markalı maşın toqquşub.

 

Az sonra həmin yerdə daha iki mikroavtobus toqquşub. Birinci qəzaya baxmaq üçün dayanan sürücünün idarə etdiyi avtobusa arxadan digər avtobus çırpılıb.

 

İki qəza nəticəsində üç nəfər xəsarət alıb. Bunlar 1999-cu il təvəllüdlü Tərtər rayon sakini Elgiz Şirinov, 1989-cu il təvəllüdlü Bakı şəhər sakini Alek Sərxanov və 1968-ci il təvəllüdlü Qazax rayon sakini Fariz Carçıyevdir.

 

Yaralılar xəstəxanaya aparılıb.

 

Faktla bağlı araşdırma aparılır.