Ər, qayın və qayınana birləşib gəlini döydülər

Şəmkirdə qadın döyülərək xəstəxanalıq olub. 

Oxu.Az-ın bölgə müxbirinin məlumatına görə, hadisə rayonun Seyfəli kəndində baş verib.1989-cu il təvəllüdlü Musayeva Badam Zahid qızı müxtəlif bədən xəsarətləri ilə xəstəxanaya yerləşdirilib. Qadının vəziyyəti kafidir.

Zərərçəkənin sözlərinə görə, onu ailə münaqişəsi zamanı həyat yoldaşı, qaynı və qayınanası döyüb. Faktla bağlı Şəmkir rayon Polis Şöbəsində araşdırma aparılır.

Nazir Quliyev