Salyanda traktor piyadanı vurub öldürdü

Salyanda piyadanın ölümü ilə nəticələnən yol qəzası baş verib.

Oxu.Az-ın bölgə müxbiri xəbər verir ki, hadisə ötən gün axşam saatlarında rayonun Qarabağlı kəndi ərazisində qeydə alınıb.

İlkin məlumata əsasən, kənd sakini, 1995-ci il təvəllüdlü Orxan Elxan oğlu Əliyev yolu keçmək istəyən zaman hərəkətdə olan traktor onu vurub. 

Ağır bədən xəsarətləri alan piyada Salyan Mərkəzi Rayon Xəstəxanasına çatdırılsa da, yolda dünyasını dəyişib. 

Faktla bağlı araşdırma aparılır.