27 
İyn
2019
16:44
240
54
8760
Virtual karabakh

“Xaliq Faiqoğlu” məhkəməyə verildi

27 İyn, 2019
16:44
8760

“Xaliq Faiqoğlu” məhkəməyə verildi

Bizim WhatsApp kanalımıza buradan abunə ola bilərsiniz

“Bakı Sığorta” ASC “Xaliq Faiqoğlu” MMC-ni məhkəməyə verib.

Oxu.Az xəbər verir ki, 1 saylı Bakı İnzibati-İqtisadi Məhkəməsinə müraciət edən ASC MMC-dən ümumilikdə 2154 manat sığorta ödənişi məbləğinin tutulmasını istəyib.

İddiaçı tələbini onunla əsaslandırıb ki, 26.08.2015-ci il tarixində Bakı şəhəri Tbilisi prospektində, “Xaliq Faiqoğlu” MMC-nin mülkiyyətində olan “Daewoo BS 090” markalı, 10-TG-344 dövlət qeydiyyat nişanlı avtobusun sürücüsü Asəf Tağıyev yol-nəqliyyat hadisəsi törədib. Nəticədə “Bakı Sığorta” ASC-də sığortalanmış “Honda Accord” markalı, 50-CH-233 dövlət qeydiyyat nişanlı avtomobilə zərər dəyib.

Hüquq-mühafizə orqanları tərəfindən tərtib edilmiş inzibati xəta haqqında protokola əsasən, A.Tağıyev yol-nəqliyyat hadisəsinin baş verməsində təqsirli olan şəxs kimi müəyyən edilib.

Bu hadisə ilə bağlı “Bakı Sığorta” ASC tərəfindən “Honda Accord” markalı avtomobilə dəymiş zərərlə əlaqədar müvafiq sığorta müqaviləsi şərtlərinə uyğun olaraq 2117 manat sığorta ödənişi həyata keçirilib. 

Sözügedən zərərin aradan qaldırılması üçün iddiaçı ödədiyi 2117 manat sığorta ödənişinin məbləğini cavabdehdən tələb etmək hüququna sahib olub.

Məhkəmə iddianı qismən təmin edib. 

Qərarda göstərilib ki, “Xaliq Faiqoğlu” MMC-dən sığorta ödənişinin əvəzi kimi ümumilikdə 1058 manat məbləğində pul vəsaiti alınaraq, iddiaçı “Bakı Sığorta” ASC-yə ödənilsin.

Bizimlə əlaqə saxlayın

Digər Cəmiyyət xəbərləri