Neftçaladakı qəzada yaralananlardan biri öldü - YENİLƏNİB
Neftçaladakı qəzada yaralananlardan biri öldü - YENİLƏNİB
Neftçalada baş verən yol qəzasında yaralananlardan biri ölüb.
Oxu.Az-ın bölgə müxbiri xəbər verir ki, hadisə nəticəsində xəsarət alanlardan biri – 1972-ci il təvəllüdlü Əmirov Şahlar Miraslan oğlu dünyasını dəyişib.
Qəzadan sonra təcili xəstəxanaya çatdırılan Ş.Əmirovun həyatını xilas etmək mümkün olmayıb.
22:44
Neftçalada yol qəzasında xəsarət alanların şəxsiyyəti məlum olub.
Oxu.Az-ın bölgə müxbirinin məlumatına görə, hadisə zamanı bir ailənin 4 üzvü yaralanıb.
Bunlar 1972-ci il təvəllüdlü Əmirov Şahlar Miraslan oğlu, onun oğlu 2012-ci il təvəllüdlü Əmirli Miraslan, qardaşı 1977-ci il təvəllüdlü Əmirov Şahmar Miraslan oğlu və ailənin digər üzvü 1985-ci il təvəllüdlü Əmirov Əfqan Mirabdulla oğludur.
Bundan əlavə, Bankə qəsəbəsinin digər sakinləri 1985-ci il təvəllüdlü Ağasıyev Tahir Əflatun oğlu və 1978-ci il təvəllüdlü Ağayev Amil Qabil oğlu da xəsarət alıb.
22:22
Neftçalada ağır qəza baş verib.
Oxu.Az-ın bölgə müxbirinin məlumatına görə, hadisə bu gün axşam saatlarında rayonun Şirvan kəndi ərazisində qeydə alınıb.
Belə ki, rayonun Bankə qəsəbə sakini, 1984-cü il təvəllüdlü Əmirov Mirzamir Seyidhəsən oğlu idarə etdiyi 99-NS-345 dövlət nömrə nişanlı “Mercedes” markalı minik avtomobili ilə hərəkətdə olarkən anidən idarəetməni itirib və maşın aşıb.
Qəza nəticəsində 6 nəfər müxtəlif dərəcəli bədən xəsarətləri alıb.
Yaralılar Neftçala Rayon Mərkəzi Xəstəxanasına yerləşdirilib. Hazırda onların şəxsiyyəti dəqiqləşdirilir.
Faktla bağlı araşdırma aparılır.