Buzovnada naməlum sürücü qadını vurub qaçdı

Xəzər rayonunda avtomobil piyadanı vuraraq qaçıb.

Oxu.Az xəbər verir ki, avtomobil Buzovna qəsəbəsi, Zağulba şosesində 23 yaşlı Şükürova Dürdanə Müslüm qızını vuraraq qaçıb.

Yaralı ağır vəziyyətdə xəstəxanaya çatdırılıb.

Ona döş qəfəsinin və çanaq sümüyünün sınığı diaqnozu qoyulub. D.Şükürovanın vəziyyəti orta-ağır qiymətləndirilir.

Xəzər Rayon Polis İdarəsinin əməkdaşları hadisəni törədən sürücünün tapılması istiqamətində əməliyyat-axtarış tədbirləri həyata keçirir.

Kamil Əmirli
Elşad Mətləboğlu