Astarada 16 yaşlı oğlan dənizdə batdı

Astarada bir nəfər dənizdə boğulub.

Oxu.Az xəbər verir ki, bu barədə Fövqəladə Hallar Nazirliyinə məlumat daxil olub.

Bildirilib ki, qaynar xəttə Astara rayonunda, dənizdə, qeyri-çimərlik ərazidə (nəzarətsiz) 1 nəfərin batması barədə məlumat gəlib.

Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.

Axtarışlar nəticəsində 2003-cü il təvəllüdlü İsmayılov Sahib Rauf oğlunun meyiti aşkarlanıb və aidiyyəti üzrə təhvil verilib.