Avq
2019
17:10
20
67
1410
Virtual karabakh

Avropa-Qafqaz-Asiya nəqliyyat dəhlizinin Azərbaycan hissəsində nə qədər yük daşınıb?

2019-cu ilin yanvar-iyun aylarında Avropa-Qafqaz-Asiya nəqliyyat dəhlizinin Azərbaycan hissəsində 25141,6 min ton həcmində yük daşınıb.

Dövlət Statistika Komitəsindən Oxu.Az-a verilən məlumata görə, bu ilin altı ayı ərzində yük dövriyyəsi isə 5301,0 milyon ton-km olub.

Yüklərin 16330,4 min tonu (65,0 faizi) avtomobil nəqliyyatı, 6265,2 min tonu (24,9 faizi) dəmir yolu nəqliyyatı, 2546,0 min tonu (10,1 faizi) isə dəniz nəqliyyatı ilə daşınıb.

Dəhliz vasitəsilə daşınmış yüklərin 4056,5 min tonunu (16,1 faizi ) tranzit yükləri təşkil edib.

Xatırladaq ki, 2018-ci ildə Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 52673,9 min ton, yük dövriyyəsi isə 11488,8 milyon ton-km olub.

Yüklərin 33235,0 min tonu (63,1 faizi) avtomobil nəqliyyatı, 12563,5 min tonu (23,9 faizi) dəmir yolu nəqliyyatı, 6875,4 min tonu (13,0 faizi) dəniz nəqliyyatı ilə daşınıb.

Dəhliz vasitəsilə daşınmış yüklərin 9344,8 min tonunu (17,7 faizini) tranzit yüklər təşkil edib.

Könül Cəfərli 

Bizimlə əlaqə saxlayın

Digər Cəmiyyət xəbərləri