Zaqatalada üçüncü zəlzələ - YENİLƏNİB + VİDEO

Avqustun 10-da Zaqatala seysmoloji stansiyasından 14 kilometr cənub-qərbdə Zaqatala ərazisində maqnitudası 3.7 olan zəlzələ baş verib.

Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən bildirilib ki, yeraltı təkanlar yerli vaxtla saat 15:22-də qeydə alınıb.

Ocağı 7 kilometr dərinlikdə yerləşən zəlzələ episentrdə 4 bal, yaxın ətraf rayonlarda 3 bala qədər hiss olunub.

15:02

Avqustun 10-da Zaqatala seysmolojı stansiyasından 14 kilometr cənub-qərbdə - Zaqatala ərazisində maqnitudası 3.4 olan zəlzələ baş verib.

Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən bildirilib ki, yeraltı təkanlar yerli vaxtla 14:00-da qeydə alınıb.

Ocağı 14 kilometr dərinlikdə yerləşən zəlzələ hiss olunmayıb.

12:34

Azərbaycanda 6 bal gücündə zəlzələ qeydə alınıb.

Milli Elmlər Akademiyası nəzdində Respublika Seysmoloji Xidmət Mərkəzindən Oxu.Az-a verilən məlumata görə, bu gün yerli vaxtla saat 11:35-də Zaqatala stansiyasından 18 km cənub-qərbdə Zaqatala ərazisində zəlzələ olub.

Dərinliyi 5 km olan zəlzələ episentrdə 6 bal, ətraf rayonlarda 5-3 bala qədər hiss olunub.

11:56

Zaqatalada 4,9 ballıq zəlzələ olub. 

Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin məlumatına görə, təkanlar yerli vaxtla saat 11:35-də Zaqatala stansiyasından 17 km cənub-qərbdə Zaqatala ərazisində qeydə alınıb.

Maqnituda 4.9, dərinliyi 2 km olan zəlzələ hiss olunub. 

11:48

Qaxda zəlzələ olub.

Oxu.Az-ın bölgə müxbiri xəbər verir ki, səhər saat 11:36-da Qax rayonu ərazisində zəlzələ qeydə alınıb.

Yeraltı təkanın gücünün təqribən dörd bala yaxın olduğu bildirilir.

Zəlzələ Zaqatalada da hiss edilib.

Dağıntılar barədə məlumat yoxdur.