Sürücünün fikri yayındı, “Opel” qırmızı işıqda “Chevrolet”ə çırpıldı - VİDEO

Bakının Nəsimi rayonunda 2 avtomobil toqquşub.

Oxu.Az xəbər verir ki, C.Məmmədquluzadə və Həsən Əliyev küçələrinin kəsişməsində baş verən qəzada “Opel” və “Chevrolet” markalı minik avtomobilləri toqquşub.

İlkin məlumata görə, “Chevrolet” markalı avtomobil qırmızı işıqda dayanan zaman arxadan gələn “Opel” markalı avtomobilin sürücüsü Zaur Hüseynovun fikri yayındığından ona çırpılıb.

Hadisə zamanı xəsarət alan olmasa da, avtomobillərə ciddi ziyan dəyib.

Faktla bağlı araşdırma aparılır.

Kamil Əmirli

Elşad Mətləboğlu