Dek
2019
13:38
12
194
3336
Virtual karabakh

Qubada alma bağının sahibini daşla öldürdü - MƏHKƏMƏ

Ali Məhkəmədə qətl törətməkdə ittiham edilən Samir Mahmudovun barəsində olan məhkəmə qərarından verilən kassasiya şikayətinə baxılıb. 

Oxu.Az xəbər verir ki, hakim Hafiz Nəsibovun sədrliyi ilə keçirilən prosesdə qərar elan olunub.

Qərara görə, S.Mahmudovun apellyasiya şikayəti təmin edilməyib.

Bakı Ağır Cinayətlər Məhkəməsinin hökmünə əsasən, S.Mahmudov 13 il müddətinə azadlıqdan məhrum edilib.

İttiham aktına əsasən, S.Mahmudov Eldar Əhmədovun Qubadakı alma bağında işləyirmiş. Bir neçə ildən sonra onlar arasında işə görə mübahisələr başlayıb. E.Əhmədov S.Mahmudovu və onun atasını öz bağından qovub. Amma onlar bununla razılaşmayıblar və dəfələrlə mübahisə ediblər.

Sonuncu mübahisə zamanı S.Mahmudov alma bağında E.Əhmədova daş atıb. Daş onun baş nahiyəsinə dəyib. S.Mahmudov alma bağını tərk edib və bir neçə dəqiqə sonra E.Əhmədov ölüb.

S.Mahmudov ittihamla razılaşmır və özünü günahkar bilmir. Deyir ki, E.Əhmədov ağacdan yıxılaraq xəsarət alıb və vəfat edib.

Qeyd edək ki, S.Mahmudov Cinayət Məcəlləsinin 120.1-ci (qəsdən adam öldürmə) maddəsi ilə ittiham edilib.

Bizimlə əlaqə saxlayın

Digər Cəmiyyət xəbərləri