Bakıda itkin düşən azyaşlı qız tapıldı - YENİLƏNİB
Bakıda itkin düşən azyaşlı qız tapıldı - YENİLƏNİB
Bakıda itkin düşən yeniyetmə qız tapılıb.
Bu barədə “Report”a Bakı Şəhər Baş Polis İdarəsinin (BŞBPİ) Mətbuat Xidmətinin rəisi, polis mayoru Elşad Hacıyev məlumat verib.
Onun sözlərinə görə, yanvarın 13-də Sabunçu rayonu, Bilgəh qəsəbəsində gecə saatlarında yaşadığı evdən naməlum istiqamətə gedən 2005-ci il təvəllüdlü Aysel Salahova tapılıb:
“Bakı Şəhər Baş Polis İdarəsinin Cinayət-Axtarış İdarəsinin keçirdiyi təxirəsalınmaz əməliyyat-axtarış tədbirləri nəticəsində azyaşlının yeri müəyyən olunub. İlkin araşdırmalar nəticəsində məlum olub ki, azyaşlı heç bir şəxs tərəfindən qaçırılmayıb. Bu barədə azyaşlının ailəsi məlumatlandırılıb”.
17:13
Bakıda 14 yaşlı qız itkin düşüb.
Oxu.Az xəbər verir ki, yanvar ayının 13-də gecə saat 00:05 radələrində Sabunçu rayonu Bilgəh qəsəbəsi, Azərbaycan qadını küçəsində yaşayan 2005-ci il təvəllüdlü Aysel Salahova evindən çıxıb və geri qayıtmayıb.
Faktla bağlı araşdırma aparılır.
Könül Cəfərli