14 
Fev
2020
01:49
15
3
1347
Virtual karabakh

Bu sakinlər binalarının vəziyyətindən şikayətçidirlər - FOTO

14 Fev, 2020
01:49
1347

Bu sakinlər binalarının vəziyyətindən şikayətçidirlər - FOTO

Bizim WhatsApp kanalımıza buradan abunə ola bilərsiniz

Nizami rayonunda sakinlər yaşadıqları binanın pis vəziyyətdə olmasından şikayət edirlər.

Bu barədə Oxu.Az-a binada yaşayan sakinlər məlumat verib.

Söhbət Nizami rayonu Tofiq Abbasov küçəsi 4 ünvanında yerləşən beşmərtəbəli binadan gedir. Bina sakinləri blokun bərbad vəziyyətdə olmasından şikayət edirlər:

“2017-ci ildən binanın bloku pis vəziyyətdədir. Məsələ ilə bağlı ərazi üzrə Mənzil-Kommunal Təsərrüfatı Birliyi də daxil olmaqla, bir çox quruma müraciət etmişik. Ötən il Nizami rayonunda binaların blokları təmir edilib. Lakin təmirdən sonra da bizim problemlərimiz həll olunmayıb. Blokun içərisi çox səliqəsizdir. Biz binanın beşinci mərtəbəsində yaşayırıq. Tək bizim blokda deyil, digər iki blokda da beşinci mərtəbədə yaşayan sakinlərin evlərinə su damır.

O vaxt binaların damında olan su çənləri götürülürdü. Həmin vaxt ehtiyatsızlıqdan dam örtüklərinə ziyan dəyib. Lakin, problemin yaranmasına səbəb olan şəxslər onun həlli üçün heç bir tədbir görməyib. Yağış yağan kimi həm evə, həm də bloka su gəlir. Bu yaxınlarda nəmişlikdən blokun tavanının 1 kv.m-ə yaxın hissəsi qopub düşüb. Övladım evdən bir neçə saniyə gec çıxsaydı, ağır xəsarət ala bilərdi. Xahiş edirik, problemin həlli üçün köməklik göstərəsiniz”.

Könül Cəfərli 

Bizimlə əlaqə saxlayın

Digər Cəmiyyət xəbərləri