İrandakı zəlzələ Türkiyədə dağıntılara yol açdı: Yeddi ölü, beş yaralı - YENİLƏNİB+FOTO

İranın Xoy şəhərindəki zəlzələ Türkiyənin Qars vilayətində dağıntılara yol açıb. 

Yerli mətbuatın məlumatına görə, dağıntlar zamanı yeddi nəfər həlak olub. 

Daha beş nəfər isə yaralı olaraq qurtarılıb.  

Türkiyənin Daxili İşlər naziri Süleyman Soylu açıqlama verib ki, dağıntılar altında qalanların xilasetmə əməliyyatı davam edir. 

11:28

İranın Xoy şəhərində baş vermiş 5.9 maqnitudalı zəlzələ Türkiyənin Van şəhərində dağıntılara yol açıb.  

“Haberler.com” xəbər verir ki, Vanın Başkale rayonunda kərpic evlər yıxılıb. 

Dağıntılar altında qalan insanlar qurtarılarkən xeyli sayda heyvan tələf olub. 

11:10

İranın Türkiyə ilə sərhəddə yerləşən Xoy şəhərində zəlzələ olub. 

Oxu.Az xəbər verir ki, yeraltı təkanlar 5.9 bal gücündə olub.  

İnsan tələfatının və dağıntılar haqqında mlumat verilmədiyi zəlzələ Türkiyə və Azərbaycanın yaxınlıqdakı şəhərlərində də hiss edilib. 

Azərbaycan Milli Elmlər Akademiyası nəzdində Respublika Seysmoloji Xidmət Mərkəzinə istinadən verdiyi məlumata görə, təkanlar Naxçıvan Muxtar Respublikası ərazisində 4-3 bala qədər hiss olunub.