19 
Apr
2020
19:33
362
207
9288
Virtual karabakh

Firdovsi Umudovdan təqdirəlayiq addım - FOTO/VİDEO

Hər zaman beynəlxalq səviyyəli mötəbər yarışlarda, çempionatlarda, olimpiadalarda qazandığı qələbələrlə, əldə etdiyi nailiyyətlərlə ölkəmizi layiqincə təmsil edən, üçrəngli Azərbaycan bayrağını yüksəklərdə dalğalandıran, himnimizi şərəflə səsləndirən “Şöhrət” ordenli məşqçi, Azərbaycan Güləş Federasiyasının vitse-prezidenti Firdovsi Umudov öz nəcib və xeyirxah əməlləri ilə də ürəkləri fəth edir. 

Oxu.Az xəbər verir ki, həmişə qayğıya ehtiyacı olan insanların yanında olan F.Umudov bu dəfə də onları tək qoymayıb.

Ölkə başçısı İlham Əliyevin “Biz birlikdə güclüyük!” çağırışına və Qazax Rayon İcra Hakimiyyətinin təşəbbüsünə qoşulan F.Umudov hər zaman qazaxlıların, həmyerlilərinin yanında olduğunu bir daha göstərib. O, koronavirus (COVID-19) pandemiyası dövründə xüsusi karantin rejiminin tətbiq olunması ilə əlaqədar Qazaxda qayğıya ehtiyacı olan aztəminatlı ailələrə dəstək olmaqla, sözün əsl mənasında birlik, həmrəylik nümayiş etdirib.

“Gənc könüllülər”lə birlikdə həmyerlilərinin yanında olan F.Umudov tərəfindən Qazax rayonlararası Gözdən Əlillər Cəmiyyətinin 69 nəfər imkansız əlil üzvünə, Yuxarı Əskipara kəndindən məcburi köçkün olan 32 ailəyə, eləcə də 100-ə yaxın maddi dəstəyə ehtiyacı olan aztəminatlı ailəyə gündəlik tələbatlarını ödəyəcək müxtəlif ərzaq məhsullarından ibarət sovqatlar paylanılıb.

Sakinlər onlara göstərilən diqqət və qayğıya görə ölkə prezidenti başda olmaqla, rayon rəhbərliyinə minnətdarlıqlarını bildirib. Onlar ölkə başçısının “Biz birlikdə güclüyük!” çağırışına dəstək olaraq, hər zaman həmyerlilərinin yanında olan Firdovsi Umudova təşəkkürlərini çatdırıb. Dövlətin dəstəyini hər an hiss etdiklərini qeyd edən sakinlər bu gün bunun bir daha şahidi olduqlarını dilə gətirib.

Bizimlə əlaqə saxlayın

Digər Cəmiyyət xəbərləri