27 
May
2020
14:04
58
386
10598
Virtual karabakh

Restoran sahibindən gözlənilməz addım: Maşın yoluna masa qoydu - YENİLƏNİB + FOTO

27 May, 2020
14:04
10598

Restoran sahibindən gözlənilməz addım: Maşın yoluna masa qoydu - YENİLƏNİB + FOTO

Bizim WhatsApp kanalımıza buradan abunə ola bilərsiniz

Bakı Nəqliyyat Agentliyi (BNA) avtomobil yoluna masa qoyan restoranla bağlı açıqlama yayıb. 

BNA-nın mətbuat katibi Mais Ağayev Oxu.Az-a açıqlamasında sosial şəbəkərlərdə paytaxtın Əziz Əliyev küçəsində yerləşən restoranlardan birinin avtomobil yoluna masa qoyması ilə bağlı məsələyə münasibət bildirib:

“Sözügedən ünvanda fəaliyyət göstərən restoranlardan birinin qarşısında yolun hərəkət hissəsində masanın qoyulmasını əks etdirən fotolar nəzarətə götürülüb. Bakı Nəqliyyat Agentliyinin ərazidə xidmət aparan əməkdaşlarının müdaxiləsi ilə masa yolun hərəkət hissəsindən götürülüb”.

12:33

“Masalarımızdan biri sadəcə, bir gün müddətinə yol kənarına qoyulub”.

Bu sözləri Oxu.Az-a açıqlamasında Əli Əliyev küçəsi, 19 ünvanında yerləşən “Dolce Vita” restoranının nümayəndəsi Sultan Quliyev deyib.

O bildirib ki, sosial şəbəkədə yayılan fotoda yol qırağına qoyulan masa bu gündən etibarən oradan götürülüb:

“Masalar anbardan gətirilmişdi. Söhbət ötən gündən gedir. İçəridə yer olmadığı üçün bir günlük masanı küçədə avtomobil yoluna qoyduq. Həmin gün ərzində bu masada müştəri də qəbul etmişik. 

Masanın avtomobil yolunun kənarında uzun müddət bu formada saxlanılması nəzərdə tutulmayıb. Artıq həmin masa oradan götürülüb. Bununla bağlı qərar və təşəbbüs özümüzə aiddir”.

Xatırladaq ki, avtomobil yolunun kənarına qoyulan masa vətəndaşların diqqətini çəkib. Bu, sosial şəbəkədə müzakirələrə səbəb olub.

12:18

Bakıda restoranlardan biri avtomobil yolunun hərəkət hissəsini qanunsuz olaraq zəbt edib.

Oxu.Az xəbər verir ki, paytaxtın Əli Əliyev küçəsi, 19 ünvanında fəaliyyət göstərən restoranın sahibi qeyri-adi addım atıb.

Restorana müraciət edən müştərilər üçün hətta avtomobil yolunda da masa qoyulub. 

“Dayanma-durma qadağandır” nişanının yaxınlığında qoyulan masanın fotosu sosial şəbəkələrdə paylaşılıb. Şəbəkə istifadəçiləri bunun doğru olmadığını və hər hansı bədbəxt hadisənin baş verə biləcəyini bildiriblər.

Həmin fotoları təqdim edirik:

Könül Cəfərli

Bizimlə əlaqə saxlayın

Digər Cəmiyyət xəbərləri