28 
May
2020
17:07
203
54
1144
Virtual karabakh

Azərbaycanlı tələbələr İstanbulda cümhuriyyətçiləri yad etdilər - VİDEO

İstanbul Universitetinin Azərbaycan Mədəniyyət və Həmrəylik Birliyi 28 May - Respublika Günü münasibəti ilə videoçarx təqdim edib.

Oxu.Az xəbər verir ki, videoçarxda Azərbaycan Xalq Cümhuriyyəti dönəminin ziyalılarının fikirləri İstanbul Universitetində təhsil alan azərbaycanlı tələbələr tərəfindən səsləndirilib. Məhəmməd Əmin Rəsulzadə, Fətəli Xan Xoyski, Nəsib bəy Yusifbəyli, Əlimərdan bəy Topçubaşov, Əhməd bəy Ağaoğlu, Mirzə Bala Məmmədzadə, Əli bəy Hüseynzadə, Üzeyir Hacıbəyov kimi ziyalıların Azərbaycan Xalq Cümhuriyyəti ilə bağlı fikirlərinə yer verilib.

Təşkilatın sədri Anar Can Kıtayın sözlərinə görə, videoçarxın məqsədi Azərbaycan Xalq Cümhuriyyətinin 102-ci ildönümündə bu önəmli tarixi hadisəyə diqqət çəkmək və dönəmin görkəmli xadimlərinin dili ilə birlik mesajı verməkdir.

İstanbul Universitetində ilk dəfə olaraq 2017-ci ildə fəaliyyətə başlayan Azərbaycan Mədəniyyət və Həmrəylik Birliyinin əsas məqsədi Azərbaycan kökənli gənclərə dəstək vermək və özlərini daha yaxşı ifadə etmələrinə yardımçı olmaq, yerli və xarici tələbələrə Azərbaycan mədəniyyəti, ədəbiyyatı və tarixini düzgün şəkildə tanıtmaq, “Bir millət, iki dövlət” şüarını əsas tutaraq qardaş ölkə gənclərinin əməkdaşlığını təmin etməkdir.

Sözügedən videoçarxı sizə təqdim edirik:

Bizimlə əlaqə saxlayın

Digər Cəmiyyət xəbərləri