Deputat Sumqayıtda yeni zavod tikilməsini təklif etdi

“Sumqayıt daha dinamik inkişaf edən bölgəyə çevrilsə də, şəhərdə müəyən problemlər hələ də qalır”. 

Oxu.Az xəbər verir ki, bunu Milli Məclisin iclasında deputat Müşfiq Məmmədli deyib. 

O bildirib ki, Sumqayıtın iqtisadi cəhətdən inkişaf etməsi orada ekoloji problemlərin yaranmasına səbəb olur:

“Belə ki, orada məişət tullantıları böyük ekoloji problemlərə gətirib çıxarır ki, bu da insanların haqlı narazılığına səbəb olur”, - deyə M.Məmmədli əlavə edib. 

Millət vəkili təklif edib ki, Sumqayıtda tullantıların emal edilməsi zavodunun yaradılması istiqamətində addım atılsa, problem həllini tapar. 

Aqşin Kərimov