Heyvanları öldürənlər cinayət məsuliyyətinə cəlb edilsin - TƏKLİF + VİDEO

Sahibləri tərəfindən döyüşlərə, davalara cəlb olunan, bir-birinə ölümcül xəsarət yetirənə qədər döyüşdürülən itlər hazırda İDEA İctimai Birliyinin sığınacağında nəzarət altındadırlar.

Ekspertlər deyir ki, cəzanın nisbətən yumşaq olması belə döyüşlərin gizli də olsa, davam etdirilməsinə şərait yaradır. Çünki heyvan döyüşlərindən həzz alan, kifayət qədər pul qoyub, qazanc götürən şəxslər hələ də var.

Hüquqşünas Fərhad Kazımovun sözlərinə görə, pis rəftar etmə, şikəst etmə, o cümlədən, tələf edilməsinə görə 500 manat cərimə nəzərdə tutulur. Amma heyvansevərlər bu cəzanın yüngül olduğu qənaətindədirlər. Onların fikrincə, istənilən heyvanla pis rəftara görə daha ağır cəza verilməlidir.

Mövzu ilə bağlı ARB TV-nin “Günə doğru” proqramında süjet yayımlanıb.