Deputat: “Qız şagirdlər şəfqət bacısı kimi yetişdirilməlidir”

“Azərbaycanda bütün şagirdlərə hərbi hazırlıq dərsləri keçirilməlidir”.

Oxu.Az-ın xəbərinə görə, bunu Milli Məclisin iclasında deputat Fazil Mustafa deyib. 

O təklif edib ki, qız şagirdləri hərbi hazırlıq dərslərində şəfqət bacısı kimi yetişdirilməlidir. 

Millət vəkili qeyd edib ki, orduda əsgərlərin savadları, fiziki hazırlıq səviyyələri yoxlanılsa, nə qədər böyük problem olduğu üzə çıxacaq. 

“Elə əsgərlər var ki, heç Azərbaycan əlifbasının hərflərini tanımır, fiziki hazırlıqları çox aşağı səviyyədədir. Buna görə də təklif edirəm ki, hərbi hazırlıq dərsləri bərpa edilsin”, - deyə F.Mustafa əlavə edib. 

Aqşin Kərimov