İyn
2020
11:11
29
183
2763
Virtual karabakh

Bakıda kişi arvadını bıçaqladı

5 İyn, 2020
11:11
2763

Bakıda kişi arvadını bıçaqladı

Bizim WhatsApp kanalımıza buradan abunə ola bilərsiniz

İyunun 4-də, saat 21:00 radələrində paytaxtın Sabunçu qəsəbə sakini 1990-cı il təvəllüdlü Günel Babayevaya çoxsaylı bıçaq xəsarətləri yetirilməsi barədə daxil olmuş məlumat əsasında prokurorluq və polis əməkdaşları tərəfindən dərhal hadisə yerinə baxış keçirilib.

Bu barədə Oxu.Az-a Sabunçu Rayon Prokurorluğundan məlumat verilib.

Bildirilib ki, G.Babayevanın hadisə yerində olan şəxslərin köməyi ilə vaxtında xəstəxanaya yerləşdirilməsi nəticəsində həyatını xilas etmək mümkün olub.

Aparılmış araşdırmalarla zərərçəkmişin əri, 1986-cı il təvəllüdlü Ramiq Dadaşovun yaşadıqları evdə aralarında qısqanclıq zəminində yaranmış münaqişə zamanı onu qəsdən öldürməyə cəhd etməsinə əsaslı şübhələr müəyyən edilib.

İş üzrə müvafiq ekspertizalar təyin olunub, şahidlər dindirilib və digər zəruri prosessual hərəkətlər yerinə yetirilib. R.Dadaşov könüllü gələrək cinayətin aləti olan bıçağı istintaqa təqdim edib. R.Dadaşov şübhəli şəxs qismində tutulub, müdafiəçinin iştirakı ilə dindirilərkən törətdiyi əməli etiraf edib. 

Faktla bağlı Sabunçu Rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanıb.

Hazırda iş üzrə zəruri istintaq-əməliyyat tədbirləri davam etdirilir.

Bizimlə əlaqə saxlayın

Digər Cəmiyyət xəbərləri