30 
İyn
2020
15:40
74
478
5920
Virtual karabakh

Baxımsız vəziyyətdə olan şəhid bulağında bərpa işlərinə başlandı - YENİLƏNİB + FOTO/VİDEO

Sumqayıtda baxımsız vəziyyətdə olan şəhid bulağında bərpa işləri aparılır. 

Bununla bağlı Oxu.Az-a Sumqayıt Şəhər İcra Hakimiyyətdən məlumat verilib:

“Bulağın sökülmüş hissəsi bərpa olunub. Su kranı yerləşdirilib. Digər xırda təmir işləri ilə bağlı tədbirlər davam etdirilir. Ərazi nəzarətdə saxlanılacaq”.

10:37

Sumqayıt Şəhər İcra Hakimiyyətinin mətbuat xidmətinin rəhbəri Eyvaz Qocayev şəhid bulağı məsələsi ilə bağlı açıqlama verib.

Mətbuat katibi Oxu.Az-a bildirib ki, şəhid bulağında təmir-bərpa işləri davam edir, görülən tədbirlər yekunlaşdıqdan sonra ictimaiyyətə məlumat veriləcək.

09:59

Sumqayıtda baxımsız vəziyyətdə olan şəhid bulağı barədə məlumat vermişdik. Bir həftə keçməsinə baxmayaraq, vəziyyət, demək olar ki, dəyişməyib.

Oxu.Az xəbər verir ki, sakinlər məsələyə laqeyd, məsuliyyətsiz yanaşılmasından narazıdırlar.

Onların sözlərinə görə, şəhərin Nəriman Nərimanov küçəsi, 20/47A ünvanında yerləşən şəhid bulağının sökülən kərpic hissəsinə üzlük çəkilib:

“Bir neçə nəfər əraziyə gəlib, baxıb. Görülən iş isə göz qabağındadır. Ayın 24-dən bu günə qədər başqa heç bir iş görülməyib. Təəssüf ki, çox laqeyd yanaşılır”.

Xatırladaq ki, Sumqayıtda şəhid Ələsgər Cəmil oğlu Mustafayevin xatirəsinə quraşdırılan şəhid bulağı baxımsız vəziyyətdədir. Uzun müddətdir bulağın suyu kəsilib, özü isə uçuq-sökük hala düşüb. Şəhidin adını daşıyan bulağa olan münasibət vətəndaşların etirazına səbəb olur.

Həmin görüntüləri təqdim edirik:

Könül Cəfərli 

Bizimlə əlaqə saxlayın

Digər Cəmiyyət xəbərləri