Avq
2020
21:43
30
283
4062
Virtual karabakh

Pandemiya dövründə xarici ölkə təcrübələrindən Azərbaycanda niyə istifadə olunmur? - VİDEO

Müxtəlif təhlillər və müqayisələr onu göstərir ki, dünya ilə Azərbaycan arasında pandemiyaya yanaşma fərqlidir. O cümlədən ölkənin biznes və iqtisadi mühitində də... İqtisadiyyatın müxtəlif sahələri sərt karantin rejiminin tətbiqi ilə məhdudlaşdırılır. 

İqtisadi Resursların Öyrənilməsi Mərkəzinin sədri Ruslan Atakişiyevin sözlərinə görə, pandemiya şəraitində çalışmaq üçün bu gün müxtəlif biznes sahəsi üzrə təlimat və standartlar yoxdur. Amma inkişaf etmiş ölkələrin bir çoxunda biznesin fəaliyyətinin davam etməsini formalaşdırırlar. Heç bir sahə fəaliyyətindən dayanmaq məcburiyyətində qalmır. 

Mart ayından həm də ölkənin təhsil sistemi də dayanaraq distant təhsil formasının tətbiqinə başlanılıb. Amma istənilən nəticə əldə olunmayıb. Təbii ki, bir çox ölkələr kimi Azərbaycan da bu prosesə hazırlıqsız yaxalanıb. 

Yeni dərs ilindən ümumtəhsil müəssisələrinin fəaliyyətinin bərpası gündəmdədir. Bəzi xarici ölkələrdə pandemiya dövrünün çərçivələrinə uyğun tədris icra olunur. Təhsil ekpertlərinin fikrincə, bu ölkələrin təcrübəsindən yararlanaraq, təhsil müəsissələri öz fəaliyyətini davam etdirə bilər.

Fəaliyyəti məhdudlaşdırılan digər sahə isə vətəndaşların tez-tez müraciət etdiyi ictimai nəqliyyatdır. Bu sahədə də xarici ölkələrin təcrübəsindən yararlanmaqda fayda var. 

Nazirlər Kabineti yanında operativ qərargahın qərarları isə hələ də sərt mövqeyini saxlamaqda davam edir. Avqust ayında bir çox məhdudiyyətlərin aradan götürüləcəyini gözləyən vətəndaşlar yenə də sərt karantin rejiminin bəzi qaydaları ilə üz-üzə qalıblar. Yenə həftəsonu ictimai nəqliyyat işləməyəcək, ticarət mərkəzləri və “Mall”lar isə yenə də qapalı qalacaq. Təhsil sistemindəki müzakirələr hələ də davam edir. Yeni tədris ilinə isə çox qısa zaman qalıb.

Ətraflı Baku TV-nin mövzu ilə bağlı hazırladığı süjetdə:

Bizimlə əlaqə saxlayın

Digər Cəmiyyət xəbərləri