10 
Avq
2020
15:38
47
250
3388
Virtual karabakh

İnfeksionist Georgi Vikulov: “İspaniya və Rusiyada çimərliklər açılanda yoluxma artdı” - MÜSAHİBƏ

10 Avq, 2020
15:38
3388

İnfeksionist Georgi Vikulov: “İspaniya və Rusiyada çimərliklər açılanda yoluxma artdı” - MÜSAHİBƏ

Bizim WhatsApp kanalımıza buradan abunə ola bilərsiniz

Payız - kəskin respirator virus infeksiyaları (KRVİ) mövsümü yaxınlaşır. Vəziyyət koronavirus pandemiyası ilə ağırlaşır. KRVİ necə müalicə ediləcək? Eynilə COVID-19 protokolu üzrə? Eyni zamanda, bu günə qədər təxminən 20 milyon insanın COVID-19-a yoluxduğu, bunun da təxminən dörd faizinin öldüyü məlumdur.

Bu gün Media.Az-ın suallarını Rusiya Virus İnfeksiyalarının Profilaktikası və Müalicəsi üzrə Elmi-İnformasiya Mərkəzinin direktoru, tibb elmləri namizədi, immunoloq, infeksionist Georgi Vikulov cavablandırır:

- KRVİ və COVID-19, əlbəttə ki, fərqli protokollara əsasən müalicə olunur. Ancaq başqa bir məqam var: KRVİ pnevmoniya ilə birlikdə ağır şəkildə keçərsə, o zaman buna vəziyyətdən irəli gələn bütün ehtiyat tədbirləri ilə potensial koronavirus infeksiyası kimi baxılacaq. Nəzərə almaq lazımdır ki, insanlarda koronavirus infeksiyası hallarının 30-50%-i asimptomatik keçir.

- ÜST-ün elan etdiyi pandemiya, məsələn, distant təhsilin inkişafına səbəb oldu, bir çoxları məsafədən işə keçdi. Bəs distant tibb haqqında nə demək olar?

- Bizdə, Rusiyada bu mövcuddur və teletəbabət adlanır. Bu istiqamət həqiqətən bütün dünyada inkişaf edir. Uzaqdan məsləhətləşmələr aparılır və mən bir neçə ildir ki, onlarda fəal iştirak edirəm.

- Azərbaycanda son həftələrdə yoluxanların sayı gündəlik sağalanların sayından xeyli azdır. Bununla yanaşı, Azərbaycan - adambaşına PZR-testlərinin (polimeraz zəncirvari reaksiya) aparılmasına görə dünyada liderlərdən biridir. Təqribən 800 min test keçirilib. Seroloji testlər də aparılır. Mövcud məlumatlar xəstəliyin pik həddinin keçildiyini göstərirmi?

- Seroloji testlərdən başlayaq. Bunlar anticisim testləridir (bir çox hallarda bir insanın COVID-19 keçirib-keçirmədiyini müəyyən etməyə imkan verir - red.).

Pik həddə gəlincə, planet miqyasında infeksiyanın pik həddi keçilməyib. Xəstəliyə yeni yoluxma hallarının sayı sağalananların sayından çoxdur.

- Azərbaycanda çimərliklərin açılması məsələsi fəal müzakirə olundu...

- Bu məsələ müzakirə olunub və olunur, özü də tək Azərbaycanda deyil. Məsələn, İspaniyada turistlər gəlməyə başlayandan iki həftə ərzində yeni yoluxma hallarında 400 faiz artım müşahidə edildi. Rusiyada - Stavropol və Krasnodar diyarlarında çimərlik mövsümünün açılmasından sonra yoluxma hallarında kəskin artım oldu. Təəssüflə qeyd etməliyəm ki, biz hələ yoluxma sayında artım müşahidə edəcəyik.

Bizimlə əlaqə saxlayın

Digər Cəmiyyət xəbərləri