Təhsil Nazirliyindən himn zamanı huşunu itirən qızla bağlı açıqlama - YENİLƏNİB + VİDEO
Təhsil Nazirliyindən himn zamanı huşunu itirən qızla bağlı açıqlama - YENİLƏNİB + VİDEO
Təhsil Nazirliyi dünən Bilik Günü münasibəti ilə orta məktəblərin birində himn səslənən zaman qızın huşunu itirməsi məsələsinə aydınlıq gətirib.
Bununla bağlı Nazirlik Oxu.Az-ın sorğusunu cavablandırıb:
“Videoda göründüyü kimi şəxs özünü narahat hiss edib və huşunu itirərək yıxılıb. Müəssisə tərəfindən dərhal təcili tibbi yardım çağırılıb və 1 saylı Şəhər Kliniki Xəstəxanasına çatdırılıb. İlkin yardım edilərək, müayinələrdən keçirilib, həmin gün evə buraxılıb. Müalicəsi ev şəraitində aparılır, vəziyyəti yaxşıdır. Məsələ Təhsil Nazirliyinin diqqətindədir”.
İlhamə Əbülfət
10:22
Dünən Bilik Günü münasibəti ilə orta məktəblərin birində himn səslənən zaman bir nəfər huşunu itirib və pilləkənlərdən yıxılıb.
Bu barədə YPX.az-ın qaynar xəttinə videogörüntü göndərilib.
Bildirilib ki, hadisənin harada qeydə alındığı məlum deyil.