19 
Sen
2020
10:28
17
185
1849
Virtual karabakh

Xəstəxana ərazisi antisanitariya mənbəyinə çevrilib - ŞİKAYƏT

19 Sen, 2020
10:28
1849

Xəstəxana ərazisi antisanitariya mənbəyinə çevrilib - ŞİKAYƏT

Bizim WhatsApp kanalımıza buradan abunə ola bilərsiniz

Yevlax sakinləri həyəcan təbili çalırlar - mərkəzi regional xəstəxananın ətrafı istifadə edilmiş damcısalanlar, şprislər, dərman paketləri və başqa tullantılarla doludur.

Yerli sakin Ceyhun Məmmədov “Sputnik.az”-a bildirib ki, vəziyyət təkcə pandemiya təhlükəsi ilə bağlı yox, həm də ona görə acınacaqlıdır ki, xəstəxananın yaxınlığında uşaq bağçası yerləşir.

“Bu, xüsusilə bizim uşaqlarımız üçün çox təhlükəlidir. Oraya atılan bütün tullantılar yoluxucu xəstəliklərin mənbəyi ola bilər, eyni zamanda nəzərə almaq lazımdır ki, istifadə edilmiş bu tibbi avadanlıqların üzərində xəstə insanların qanı var”, - deyə şikayət edən şəxs bildirib.

Xəstəxanadan məsələ ilə bağlı şərh verməkdən imtina ediblər.

Rayonun Kommunal Təsərrüfatı İdarəsindən isə şikayətə cavab verilib.

İdarənin xidmət direktoru Nazim Səlimov bildirib ki, bu acınacaqlı duruma səbəb xəstəxananın artıq beşinci aydır ki, zibil yığımı üçün ödənilməli olan pulu verməkdən imtina etməsidir.

“Son yarım ay ərzində bizimlə müqaviləni yeniləmək istəmədiklərini görüb onlara xidmət göstərməyi dayandırdıq”, - deyə N.Səlimov söyləyib.

İdarənin xidmət direktoru vurğulayıb ki, əgər xəstəxana onlarla müqavilə imzalayarsa ərazidə olan zibil dərhal yığışdırılacaq.

Bizimlə əlaqə saxlayın

Digər Cəmiyyət xəbərləri