Dövlət Tibbi-Sosial Ekspertiza və Reabilitasiya Xidmətindən Gəncə sakininin iddialarına cavab
Dövlət Tibbi-Sosial Ekspertiza və Reabilitasiya Xidmətindən Gəncə sakininin iddialarına cavab
Daha əvvəl Gəncə sakinin atasına əlillik dərəcəsi ilə bağlı haqsızlıq edildiyi barədə məlumat vermişdik. Dövlət Tibbi-Sosial Ekspertiza və Reabilitasiya Xidməti məsələyə münasibət bildirib.
Qurumdan Oxu.Az-ın sorğusuna cavab olaraq qeyd edilib ki, Məhəmmədi Əli Abdulla oğlu (65VLGLJ) 24.06.2020-ci ildə Gəncə 6 nömrəli şəhər Poliklinikasından əlilliyin vaxtından qabaq qiymətləndirilməsi üçün müraciət edib.
08.07.2020-08.07.2025 tarixlərində beş illik müddətdə (2.2.8. etiologiyasından asılı olmayaraq, aşağı ətrafların parezi, çanaq orqanlarının funksiyalarının pozulması (G30-G32.9,G80-G80.9) meyarına əsasən, şəxsə ikinci dərəcə əlillik təyin edilib.
Səhiyyə müəssisəsi tərəfindən tərtib edilən forma 88-də şəxsin ağırlaşması kimi spastik paraplegiya, aşağı ətrafların parapleqiyası göstərilsə də, keçirilmiş müayinələr ağırlaşmanı təsdiq etməyib. Vətəndaşın müraciətindən sonra Gəncə TSEK-nin nümayəndələri vətəndaşı yaşadığı ünvanda müayinə etdikdən sonra ona müvafiq kömək olunması barədə göstəriş verilib.
Nəzərinizə çatdıraq ki, əlilliyin qiymətləndirilməsi elektron qaydada vətəndaş-ekspert ünsiyyəti olmadan yalnız forma 88-də yazılan məlumatlara əsasən təyin edilir. Göndərişdə şəxsin əsas diaqnozunu, ağırlaşmalarını təsdiq edən instrumental, diaqnostik müayinələr dolğun əks etdirilməlidir.
Könül Cəfərli