Solovyovdan Azərbaycanın ərazi bütövlüyünə təhdid - FOTO

Rusiyalı televiziya aparıcısı, jurnalist Vladimir Solovyov növbəti dəfə özünün qatı ermənipərəst mövqeyini ortaya qoyub. 

“Rossiya-1” telekanalında yayımlanan “Solovyovla bazar axşamı” verilişində o, adətən erməni ekspertlərini dəvət edərək Qarabağ məsələsini müzakirə edir.

V.Solovyov hazırda bu sahədə yaranmış vəziyyətə görə bütün günahları Azərbaycanın üzərinə yıxmağa çalışmaqla öz ermənipərəst mövqeyini göstərir.

18 oktyabr 2020-ci il tarixində yayımlanan verilişdə isə Solovyev Azərbaycan Respublikasının ərazi bütövlüyünü şübhə altına alaraq, xəritə yayımlayıb. Xəritədə Ermənistanın işğal etdiyi torpaqlar Azərbaycan ərazisi kimi göstərilməyib. Halbuki, Rusiya Federasiyası bütün səviyyələrdə Azərbaycanın ərazi bütövlüyünü tanıyır. Solovyev da bunu lap dəqiq bilir, amma erməni “feyk”lərini yaymağa və qərəzli mövqeyinin üstündə durmağa üstünlük verir. 

İlhamə Əbülfət