İşğaldan azad etdiyimiz Hadrut qəsəbəsinin eksklüziv görüntüləri - VİDEO

İşğaldan azad olan Hadrutun yeni görüntüləri yayılıb.

Oxu.Az və Baku TV-nin çəkiliş qrupu Hadrut qəsəbəsində olub.

Hadrut qəsəbəsi iqtisadi baxımdan çox əlverişlidir. Bu qəsəbə coğrafi relyef baxımından sıx meşələri və çayları ilə zəngindir.

İşğaldan əvvəl həmin ərazilər istirahət zonası olub və ilin bütün fəsillərində həmin ərazilərə turistlər gəlib. Bundan başqa, kənd təsərrüfatı mütəxəssisləri deyir ki, iqtisadi baxımdan Hadrut qəsəbəsinin imkanları böyükdür. Tarixə nəzər salsaq, görərik ki, ermənilər oraya XIX əsrdə köçürülüb, o vaxtadək isə onları Hadrutla heç nə bağlamayıb.

Xatırladaq ki, Hadrut qəsəbəsi Dağlıq Qarabağ bölgəsinin Xocavənd rayonuna daxildir. Bu qəsəbə Ermənistan silahlı qüvvələri tərəfindən 1992-ci ilin oktyabrın 2-də işğal edilib. Qəsəbə 2020-ci ilin oktyabrın 13-də işğaldan azad olunub.