29 
Noy
2020
14:58
28
512
10149
Virtual karabakh

Xırdalanda partlayış: Doqquz ailə evsiz qaldı, iki maşın yandı - RƏSMİ

29 Noy, 2020
14:58
10149

Xırdalanda partlayış: Doqquz ailə evsiz qaldı, iki maşın yandı - RƏSMİ

Bizim WhatsApp kanalımıza buradan abunə ola bilərsiniz

Noyabrın 28-də Abşeron rayonunu, Xırdalan şəhərində keçmiş Yüngül Konstruksiyalar Zavodunda uçqun baş verib.

Hadisə ilə bağlı məlumat daxil olduqdan dərhal sonra Qaçqınların və Məcburi Köçkünlərin İşləri üzrə Dövlət Komitəsinin aidiyyəti şöbəsinin və yerli sektorunun nümayəndələri orada olub, ailələrin vəziyyəti ilə tanış olublar.

Komitədən bildirilib ki, yanğın baş verən ünvanda doqquz məcburi köçkün ailəsi müvəqqəti məskunlaşıb. Hadisə nəticəsində ölən və xəsarət alan olmayıb.

İlkin ehtimala görə, hadisə yağış sularının təsiri nəticəsində meydana gəlib. Belə ki, keçmiş zavodun beton tavanı uçaraq, Kəlbəcər rayonundan məcburi köçkün Verdiyev Seymur Dilqəm oğluna məxsus “Mitsubishi” və Laçın rayonundan məcburi köçkün Məmmədov Taleh Zahid oğluna məxsus “Volkswagen” markalı iki avtomobilin üzərinə dağılıb. Nəticədə, avtomobillərdə yanğınla müşahidə olunan partlayış baş verib. Yanğın dərhal söndürülüb.

Yaşayış sahələrinin vəziyyətinin qiymətləndirilməsindən sonra ailələrin burada yaşamağının təhlükəli olduğu məlum olub. Dövlət Komitəsi məcburi köçkünlərin kirayə mənzillərə yerləşdirilməsi ilə bağlı qərar qəbul edib.

Hazırda FHN-in mütəxəssisləri tərəfindən hadisənin başvermə səbəbləri araşdırılır.

Araşdırmadan sonra yekun rəy veriləcək. Rəy əsasında müvafiq hüquqi addımlar atılacaq.

Bizimlə əlaqə saxlayın

Digər Cəmiyyət xəbərləri