TƏBİB rəsmisindən koronavirusun evdə müalicəsinin təhlükəsi ilə bağlı AÇIQLAMA

“Koronavirusa yoluxanların 80 faizi xəstəliyi yüngül simptomlarla keçirə bilirlər”.

Oxu.Az-ın müxbirinin verdiyi məlumata görə, bunu Tibbi Ərazi Bölmələrini İdarəetmə Birliyinin (TƏBİB) İnfeksion xəstəliklər üzrə İşçi qrupunun üzvü Nəzrin Mustafayeva Nazirlər Kabineti yanında operativ qərargahın brifinqində deyib. 

Onun sözlərinə görə, bəzi insanlar özlərini evdə müalicə edirlər:

“Bu, çox təhlükəli haldır. Test nəticələri pozitiv olanlar yaşadıqları evi tərk edirlər. Onlar özlərini evdə izolyasiya etməlidirlər. Təəssüf ki, bir ilə yaxın müddətdir ki, bu xəstəliyin effektiv müalicəsi yoxdur”, - deyə o qeyd edib.

İlhamə Əbülfət