“ARB Media Qrup” Şəhidlərimizin xatirəsini yad edib – VİDEO

Prezident İlham Əliyevin imzaladığı sərəncama əsasən canlarını ölkənin ərazi bütövlüyü uğrunda fəda edən Vətən müharibəsi şəhidlərinin əziz xatirəsi dekabrın 4-də saat 12:00-da bir dəqiqəlik sükutla yad edilib.

“ARB Media Qrup” kollektivi də şəhidlərimizi fəxrlə anıb.

Həmin an yoldan keçən avtomobillər telekanal kollektivinə qoşularaq dayanıb, birlik nümayiş etdiriblər.

Qeyd edək ki, Vətən müharibəsində Azərbaycan Silahlı Qüvvələrinin 2783 hərbi qulluqçusu şəhid olub. DNT analiz metodu ilə 103 hərbi qulluqçunun şəxsiyyətinin müəyyən edilməsi üzrə işlər davam etdirilir. 100-dən artıq hərbi qulluqçumuz isə itkin düşüb. 1245 hərbi qulluqçumuzun müalicəsi isə davam etdirilir.

Allahdan bütün şəhidlərimizə rəhmət, yaralı hərbçilərimizə isə şəfa diləyirik!