Readmissiya tədbirləri niyə kəskin azalıb? - AÇIQLAMA

“2020-ci ildə readmissiya tədbirlərində 68 faiz azalma qeydə alınıb”.

Oxu.Az-ın məlumatına görə, bunu Dövlət Miqrasiya Xidmətinin rəisi, III dərəcəli dövlət miqrasiya xidməti müşaviri Vüsal Hüseynov 2020-ci ilin yekunlarına dair keçirdiyi onlayn mətbuat konfransında bildirib.

O bildirib ki, karantin tədbirləri tətbiq olunan tarixdən çox məhdud sayda readmissiya həyata keçirilib

“Yalnız çarter reysləri vasitələri ilə həyata keçirilən readmissiya tədbirləri 2020-ci ilin yanvar və fevral ayılarını əhatə edib”, - deyə rəis qeyd edib.

V.Hüseynov əlavə edib ki, ötən il readmissiya ilə bağlı 480 sorğu verilib, bunlardan 145-i müsbət nəticəsini tapıb:

“İndiyə qədər readmissiya ilə bağlı 4 647 sorğu olub. 1 914 nəfərin sorğusu müsbət cavablandırılıb, lakin geri qaytarılması həyata keçirilməyib, nəzərdə tutulur”.

İlhamə Əbülfət