19 
Fev
2021
17:30
214
18
1782
Virtual karabakh

Azərbaycan və Türkiyə arasındakı kiçik biznesin inkşafına dair müqavilələrin əhəmiyyəti açıqlandı - FOTO

19 Fev, 2021
17:30
1782

Azərbaycan və Türkiyə arasındakı kiçik biznesin inkşafına dair müqavilələrin əhəmiyyəti açıqlandı - FOTO

Bizim WhatsApp kanalımıza buradan abunə ola bilərsiniz

KOBİA və Türkiyənin müvafiq qurumları arasında əməkdaşlığa dair sənədlər imzalanıb.

Bu barədə Kiçik və Orta Biznesin İnkişafı Agentliyi (KOBİA) tərəfindən məlumat verilib.

Bildirilir ki, fevralın 18-də Ankarada keçirilmiş Türkiyə-Azərbaycan biznes forumunda hər iki ölkənin KOB sahəsində əməkdaşlığı məsələlərinə də yer verilib.

Hər iki ölkənin rəsmi şəxslərinin və iş adamlarının iştirakı ilə təşkil olunmuş biznes forumda KOBİA da təmsil olunub.

Tədbirdəki çıxışında Agentliyin İdarə Heyətinin sədri Orxan Məmmədov KOB sahəsində əməkdaşlığın Azərbaycan-Türkiyə iqtisadi əlaqələrinin vacib istiqamətlərindən olduğunu, KOB-ların dəstəklənməsi və yeni təşviq mexanizmlərinin yaradılması istiqamətində qardaş Türkiyənin zəngin təcrübəsinə daim xüsusi əhəmiyyət verildiyini, bu sahədə KOSGEB və Türkiyənin digər aidiyyəti qurumları ilə əməkdaşlığın uğurla davam etdirildiyini vurğulayıb.

Birgə əməkdaşlıq çərçivəsində görülən tədbirlər barədə məlumat verən KOBİA sədri əməkdaşlıq perspektivlərinə toxunaraq hər iki ölkənin KOB-ları arasında əlaqələrin təşviqi, birgə istehsal müəssisələrinin təşkili, hər iki bazar üçün mal və xidmətlərin təqdim edilməsi, eləcə də nəqliyyat-logistika və əlverişli coğrafi mövqe üstünlüklərimizdən istifadənin təşviqi istiqamətlərində tərəfdaş qurumların birgə səylərini gücləndirməsinin önəmini diqqətə çatdırıb.

Biznes forum çərçivəsində KOBİA Türkiyənin Kiçik Sahibkarlar və Sənətkarlar Konfederasiyası (TESK) və Türk Girişim və İş Dünyası Konfederasiyası (TÜRKONFED) ilə əməkdaşlığa dair anlaşma memorandumları imzalayıb.

Bizimlə əlaqə saxlayın

Digər İqtisadiyyat xəbərləri