15 
May
2021
11:00
621
13
3496
Virtual karabakh

SMA xəstəsi Zəhranın köməyə ehtiyacı var: Onun səsi olaq, səsini duyuraq - FOTO

15 May, 2021
11:00
3496

SMA xəstəsi Zəhranın köməyə ehtiyacı var: Onun səsi olaq, səsini duyuraq - FOTO

Bizim WhatsApp kanalımıza buradan abunə ola bilərsiniz

Beş yaşlı Zəhra Hüseynzadə II tip spinal muskulyar atrofiya - SMA (Werding-Hoffmann xəstəliyi) xəstəliyindən əziyyət çəkir.

Onun sağlamlığına qovuşması üçün hər birimizin dəstəyinə ehtiyacı var. 

Məsələ ilə bağlı həkim-nevroloq Rayihə Xudiyeva sosial şəbəkə hesabında paylaşım edib.

O, xəstəlik haqqında ətraflı məlumat verib:

“SMA utosom-resessiv keçişli neyrodegenerativ xəstəlikdir. Yəni onurğa beynindən əzələlərə sinir impulslarının ötürülməsi pozulur. Nəticədə əzələ atrofiyaya uğrayır, funksiyasını icra edə bilmir. Xəstəliyin tipindən asılı olaraq müxtəlif ağırlıqda hərəki funksiya pozulur.

SMN 1 geninin ekson 7-dəki delesiyası ilə əlaqədardır. Bir neçə tipi vardır:

SMA tip 1: Ağır klinik tabloya malikdir. Başlanğıc yaşı 0-6 aydır. Hamiləliyin son dönəmlərindən ana dölün az hərəkətliliyini hiss edir. Körpələrin bir çoxu 1 yaşından öncə tənəffüs çatışmazlığından itirilir. Yaşayan körpələrin baş kontrolu olmur və ya çox zəif olur. Heç vaxt otura bilmirlər.

SMA tip 2: Başlanğıc yaşı 7-18 ay. Baş kontrolu var. Otura bilirlər. Ancaq yataq pozisyasından oturmaya keçə bilmirlər.

SMA tip 3: Başlanğıc yaşı >18 ay. Baş kontrolu var. Otururlar, ayağa dururlar, yeriyirlər.

SMA tip 4: Böyüklərdə rast gəlinir”.

Həkim qeyd edib ki, Zəhra SMA-nın ikinci tipindən əziyyət çəkir. Oturur, ancaq yerimir:

“Təəssüf ki, zaman onun əleyhinə işləyir. Müalicəsi çox böyük maddi dəstək tələb edir. Zəhranın, bildiyimiz bütün SMA-dan əziyyət çəkən körpələrimizin səsi olaq. Maddi dəstək olmaqla, paylaşmaqla səsimizi duyuraq”.

 

Bizimlə əlaqə saxlayın

Digər Cəmiyyət xəbərləri