11 
İyn
2021
16:00
225
16
2857
Virtual karabakh

Daha bir abad həyət sakinlərin istifadəsinə verildi - FOTO

Xətai rayonu Məzahir Rüstəmov küçəsində yerləşən 7 və 15 saylı binaların həyətində sakinlərin asudə vaxtının və istirahətinin təşkili üçün abad həyət istifadəyə verilib.

Bu barədə Xətai Rayon İcra Hakimiyyəti məlumat yayıb.

Bildirilib ki, görülmüş işlər çərçivəsində həyət yöndəmsiz tikililərdən, qeyri- qanuni hasarlardan təmizlənmiş, bütün yaş qruplarında olan sakinlərin istirahəti üçün tam şərait yaradılıb. Belə ki, həyətdə günlüklər, uşaq və gənclər üçün əyləncə və idman qurğuları, mini stadion, oturacaqlar və işıqlandırma sistemləri quraşdırılıb. Ağaclara, dekorativ gül kollarına və yaşılıq zolaqlarına aqrotexniki xidmətin təmin edilməsi üçün su xətləri çəkilib. Binaların fasadları, giriş qapıları və pilləkən qəfəsləri, dam örtüyü və s. əsaslı şəkildə təmir edilib. Hazırda blokların istismar müddəti başa çatmış liftləri müasir alman liftləri ilə əvəz edilir. Bu Məzahir Rüstəmov küçəsində sakinlərin istifadəsinə verilmiş beşinci abad həyətdir.

Bizimlə əlaqə saxlayın

Digər Cəmiyyət xəbərləri