Şəmkirdə kişi borca görə həmyerlisini bıçaqladı

Şəmkir rayonunda bıçaqlanma hadisəsi olub.

Oxu.Az-ın məlumatına görə, hadisə rayonun Zəyəm qəsəbəsində baş verib.

Qəsəbə sakini 1962-ci il təvəllüdlü Arzuman Məmmədov şəxsi münasibətlər zəminində həmyerlisi, 1965-ci il təvəllüdlü Şahmar Qurbanova bir bıçaq zərbəsi vurub.

Yaralı Ş.Qurbanov Gəncə şəhər Təcili Tibbi Yardım Xəstəxanasına yerləşdirilib, vəziyyətinin orta-ağır olduğu bildirilib. 

Hadisəni törətməkdə şübhəli bilinən A.Məmmədov polis əməkdaşları tərəfindən saxlanılıb. İlkin məlumata görə, hadisə borc üstündə olub. 

Faktla bağlı araşdırmalara başlanılıb.

Könül Cəfərli