Qarabağda nə qədər ərazi minalardan təmizlənib? - FOTO
Qarabağda nə qədər ərazi minalardan təmizlənib? - FOTO
Azərbaycan Respublikasının Minatəmizləmə Agentliyi (ANAMA) işğaldan azad edilmiş ərazilərdə icra olunan əməliyyatlar barədə həftəlik məlumatı təqdim edib.
Bu barədə Oxu.Az-a ANAMA-dan məlumat verilib.
Məlumata görə, iyunun 1-dən iyulun 3-dək Tərtər, Ağdam, Füzuli, Şuşa, Qubadlı, Cəbrayıl və Zəngilanda aparılan əməliyyat-axtarış tədbirləri zamanı piyada əleyhinə 1 087, tank əleyhinə 316 mina və 461 partlamamış hərbi sursat aşkarlanaraq zərərsizləşdirilib.
Nəticədə 5 633 044 kvadratmetr (563 ha) ərazi mina və partlamamış hərbi sursatlardan təmizlənib.
Eyni zamanda sözügedən ərazilərdə 10.11.2020-ci il tarixindən 03.07.2021-ci il tarixinə qədər aparılan əməliyyat-axtarış tədbirləri zamanı piyada əleyhinə 8 509, tank əleyhinə 3 959 mina və 9 493 partlamamış hərbi sursat aşkarlanaraq zərərsizləşdirilib.
Nəticədə isə ümumilikdə 33 264 075 kvadratmetr (3 326 ha) ərazi mina və partlamamış hərbi sursatlardan təmizlənib.